The Optimist

营业中

休息中

呢間餐廳一直都係我想食的餐廳名單之一，是夜與一班好耐無見的朋友聚舊，就一於約來呢間餐廳吧！我幾欣賞餐廳座位都幾舒適，而且啲菜式都幾啱同其他人share，幾方便，氛圍係會令人傾計傾到唔願走。Juicy Lobster Rice賣相好eye-catching呀，視覺感100%！由於我哋一行有5、6個，所以特別點咗龍蝦份量要有1隻。龍蝦雖然係冷藏貨，但龍蝦肉質依然鮮甜；燉飯部分亦相當出色，飯粒分明之餘仲好吸湯，湯汁亦充滿濃濃的龍蝦香氣，好正，難怪成為食客們的熱門必點菜式！1/2 Suckling Pig半邊的乳豬髀賣相簡單，充滿油香，外層焗至脆身，入面的豬髀卻依然juicy，一用刀切開秒速爆汁，好正！豬髀本身容易油膩，食多幾件都會膩到食唔落其他嘢，所以大廚以香草焗製，用最簡單的烹調方法，既然香味又能減輕少許油膩感。Impossible Zucchini意大利節瓜上面擺放Impossible Meat植物肉同醃漬番茄、青瓜的醬，有種小清新的感覺，作為前菜幾好。