影片
更多
2008-07-18
整天困在办公室里，已经急不及待放lunch出去松一口气。据说Rosé Home Kitchen食物不错，而且有著俊男美女，男仔女仔朋友都可能压力太大了，大家都好开心咁话来这里让个口同只眼「歇一歇」。我先去拎位，地方原来好细，只有5张枱。因为其他枱都畀人book左，只好坐系最近门口个张，冷气冇咁大，有少少热不过都OK。等紧慢吞吞既朋友来时，周围望下，装修好简单，好住家，好多猫猫相，畀人好亲切既感觉，系湾仔闹市中一点清泉。年轻的女服务员脸带阳光的笑容咁递上餐牌（不过之前食评提及的靓仔似乎今日冇返，女仔朋友们失望了)。噢，系office对住OL姨姨同婶婶太多了，来到依度真系耳目一新，心情愉快左。再望一望餐牌，系手写架，可爱既字体加上装糖既樽上面既「i'm糖」都令我对依间小店既亲切感同好感增加唔少。落单系自己写自助落单纸的，都几得意。黑醋苹果沙律生菜不是特别新鲜，就咁加黑醋麻麻地，加返D芝士应该会好少少。苹果就好甜红酒鸭胸配薯角($46)先前睇到食友既评语，话意粉麻麻地，但鸭胸唔错，咁就稳阵起见要左个依个啦。好大块的鸭胸呀! 一来到就知道自己冇拣错! 皮系微脆的，咬落去有少少油，好香呀! 个汁
黑醋苹果沙律
生菜不是特别新鲜，就咁加黑醋麻麻地，加返D芝士应该会好少少。苹果就好甜
红酒鸭胸配薯角($46)
先前睇到食友既评语，话意粉麻麻地，但鸭胸唔错，咁就稳阵起见要左个依个啦。好大块的鸭胸呀! 一来到就知道自己冇拣错! 皮系微脆的，咬落去有少少油，好香呀! 个汁酸酸既味令到个鸭冇咁「漏」，但就好似太多油。望真D个鸭胸个底都「介」开左等佢热得快D。$46真系好抵。个薯角就冇咩特别啦，脆D会好D，仲有摊晒系度既几条青椒同一「忽」蕃茄，有D HEA...不过有鸭胸都算心满意足，唔紧要啦，只系唔系太饱，如果跟个饭/意粉或多D薯仔会好D。
饮野要左个热朱古力，加$3。除朱古力外，仲有各式花茶同好多好「特别」既特饮=.=。 热朱古力好细杯，唔够浓同香，不过画上去既ROSE好有心思~ 食完后大家唔够喉，就问佢有冇薰衣草蜂蜜蛋糕(+$15)。好彩有，叫了一件大家share。薰衣草味道好香甜，唔会好假。隔离pat cream都好滑唔太甜。起初觉得个蛋糕有D太实，不过其实咁样应该比软身好，因为食到一粒一粒，口感好D。好满意的蛋糕!
好彩之前有睇食评，识得叫鸭胸同薰衣草蛋糕。有两个朋友叫左意粉，都话味道怪怪地，唔太好。而「炸鱼柳意粉」中既炸鱼柳直情好似系M记个鱼柳包偷返来咁...好在睇左OR，令我有好满意的一餐，如果唔系今次都未必有笑脸! 已经试过个鸭胸啦，下次净系来食cake同饮野先!
唉，又要返去对住婶婶啦!
张贴
