敏華冰廳 (The LOHAS康城)

营业中

休息中

正所谓无期望就无失望，屋企有现金卷想用左佢唔好嘥先黎。康城无咩好食大家都知，呢款商场都唔会容纳倒细铺，有时逼住食连锁店，但连锁餐厅都有质素之分，康城呢间敏华都算出色。价钱就算间间都一样但呢间可以喺其他地方俾人不停扣分。上菜速度真系好慢，一直听倒隔离左右都话乜乜乜未黎，人地唔系叫啲制作需时嘅野，系下午茶榨菜肉丝公仔面咋大佬，你估整公仔面会唔会整到Fine dine 咁。服务亦都系无服务。服务员讲嘢嘅态度我好主观系唔friendly，但又唔系rude 嘅。上菜果阵一野掉落枱，有心又好无意又好，好难体谅，睇一间餐厅系睇埋呢啲㗎。好啦可以讲野食，叫左Tea 蕃茄牛肉烩意粉+红豆冰，意粉正常发挥，唔使扣分但绝对唔系好食，足够维持生命。红豆冰反而可以赞，其实唔系赞佢好好饮，系赞佢冇做到好难饮，因为而家好多餐厅嘅红豆冰都劲难饮。总结一句，作为蓝店，佢应该要做得更加好，起码性价比要好啲先，以上。