影片
更多
2020-10-30
189 浏览
放工行过见到一间装修几靓嘅上海食店，同同事讲，横掂咁耐无食过上海嘢，就约埋一齐去！川麻口水鸡 $68 出去食口水鸡通常都系细细份，为求食个味道，呢间竟然有成近半只，仲要系嫩鸡，肉质非常嫩滑，鸡面铺满香溢嘅辣椒油、花生碎同芝麻 但唔会太辣，唔食辣嘅朋友都食到一两件。松子鱼 $168 最期待嘅一个菜式，因为好耐无食过了，呢度几抵食，都系$168，都有7至8件肉，起晒骨，外面十分松化，好香口，而且脆卜卜，鱼肉厚身，完全无'星'味，个酱甜甜酸适中，十分醒胃，鱼面仲有不少增添口感的松子仁，很受大家欢迎，系最快食完嘅一味𩠌。红烧狮子头 $88 佢外表都系平平无奇的一团猪肉丸加上啡色的汁，但切开，原来内有干坤，系一个完整的咸蛋黄，外面嘅猪肉较松软，而且肉汁亦流出，唔会死实实一旧“掟死狗”，加上外面嘅精心炮制嘅肉汁，实是好味之极。 金牌香菜饭 $48 平时响广东菜当然配白饭，食上海嘢当然点菜饭啦！仲要呢度嘅菜饭唔会太油，但都有一股甘香嘅味道，3个人分一碟，份量刚刚好。杏汁高力 $52 平时食高力豆沙就食得多，杏汁饀就第一次，外面是金黄色，食落更加香，而咬落十分松软，饀料不算多，饭后甜品，
川麻口水鸡 $68
出去食口水鸡通常都系细细份，为求食个味道，呢间竟然有成近半只，仲要系嫩鸡，肉质非常嫩滑，鸡面铺满香溢嘅辣椒油、花生碎同芝麻 但唔会太辣，唔食辣嘅朋友都食到一两件。
松子鱼 $168
最期待嘅一个菜式，因为好耐无食过了，呢度几抵食，都系$168，都有7至8件肉，起晒骨，外面十分松化，好香口，而且脆卜卜，鱼肉厚身，完全无'星'味，个酱甜甜酸适中，十分醒胃，鱼面仲有不少增添口感的松子仁，很受大家欢迎，系最快食完嘅一味𩠌。
红烧狮子头 $88
佢外表都系平平无奇的一团猪肉丸加上啡色的汁，但切开，原来内有干坤，系一个完整的咸蛋黄，外面嘅猪肉较松软，而且肉汁亦流出，唔会死实实一旧“掟死狗”，加上外面嘅精心炮制嘅肉汁，实是好味之极。
金牌香菜饭 $48
平时响广东菜当然配白饭，食上海嘢当然点菜饭啦！仲要呢度嘅菜饭唔会太油，但都有一股甘香嘅味道，3个人分一碟，份量刚刚好。
杏汁高力 $52
平时食高力豆沙就食得多，杏汁饀就第一次，外面是金黄色，食落更加香，而咬落十分松软，饀料不算多，饭后甜品，唔会太腻，相当适中呢！
张贴
