五斗米 (厚和街)

营业中

休息中

朋友喺台湾人，话之前喺坚尼地城有间叫五斗米嘅小店，D嘢食好有 「家的味道」，今日佢思乡病发作，约我去食，一解思乡之苦，虽然我觉得好远，不过陪吓朋友都无所谓啦。叫咗原汁牛肉面，汤底好浓，好香，面条好弹口，牛肉都好多，唔会太淋，有少少嚼口，又入味，最紧要成碗面唔会好油，好食。卤鸡腿肉燥饭，肉燥比较干身，唔会入口只系肥肉，仲有樱花虾同冬菇粒喺里面，又唔会好咸，啱晒送饭。卤鸡腿喺分开上，好淋，好入味，肉质都好多汁，加埋D酱油，肉燥喺面头，未食都觉得会好好食。百页豆腐，口感好弹，一D都唔似豆腐，唔算好浓味，但喺几得意。台式花枝丸，炸嘅花枝丸成日食，但系卤就好少食，花枝丸口感唔错，但就无炸嘅禁香口。白菜卤，娃娃菜煮到好淋，加埋D酱油同樱花虾，好够味。水煎香肠，煎到好干身，外皮少少脆，一D都唔油，点埋个蒜泥，好惹味。饮品叫咗乌梅汁，好浓唔太甜，不过就唔够冻，再冻D更加好，不过喺禁热嘅天气下饮番杯，真喺消暑又解渴。五斗米嘢食又真喺几好食，好地道，不过唯一我觉得唔好，就喺佢地张枱比较矮，如果可以高番少少会好D。