老厝邊

营业中

休息中

Friday, 1 Mar 2024 好冻荃湾大坝街。呢个小区可以话系小餐厅嘅木人巷。几次经过呢间嘢都坐满人，啲枱迫迫夹夹，食客出出入入。今次决定早啲收工专程嚟试吓佢。食开台湾嘢嘅人对佢嘅Menu应该会有一份亲切感，全部嘢都好地道嘅台湾文。佢哋真系好好生意，所以只有一个钟头要交枱。快。香炸鱿鱼，邪恶香口好味。超浓芋泥蛋饼，就系当地「夜缤纷」嘅风味。酸甜糖醋鸡便当，酸甜刚刚好，啲鸡炸到好香口又挂汁。强烈推介。眷村牛筋面，牛筋入味，软腍适中。绝对真爱卤水便当，哈哈。无限幻想空间啊….最后叫咗两个珍珠奶茶攞走。整体嚟系好食嘅，只不过系地方细又热闹咗啲。去佢𠮶度食嘢要谂定跟住去边度玩。