川魔 - 龍門一番 (已結業)

川魔 - 龙门一番 (屯门) 见有新开既川菜， 即刻同朋友一齐去试下地方好好坐， 食烤鱼一定要好坐，一边食一边倾计。 正👍🏼 酸菜烤江团鱼（微辣）$328 ⭐️⭐️⭐️⭐️ 店员推介必食之一！ 果然无介绍错👍🏼👍🏼 叫左酸辣微辣，酸味好够，微辣真系岩返我唔太食辣既人🤣 原条鱼上！ 好正 ☺️见到有煎香过，但唔干，鱼肉仲好滑。香茜洋葱酸菜等配料都好多 ， 味道非常够。仲有豆卜云耳等配菜，🥰更加吸收哂啲汤汁，超级好味。另外加左宽薯粉，一渌就林晒。 😋唔好渌太耐， 都可以保持到烟韧韧嘅口感。四川口水鸡 $88 ⭐️⭐️⭐️ 合格既口水鸡 ，辣椒辣油都好足够。够味，鸡肉肉质都好、好滑🌝 川烧生蚝 $28 /只⭐️⭐️⭐️⭐️⭐️ （推广价$10）见有推广价，同朋友一人叫咗一只试吓😊 大大只 ， 好抵食，而且非常好味😋 蚝肉嫩身， 唔老 ， 配料好够味。有烧烤既感觉！ 好有诚意！！！ 冷泡白桃四季春 $32 ⭐️⭐️⭐️⭐️ 白桃味好出😃 茶味就比较淡嘅整体都好唔错👍🏼👍🏼餐厅有好多大卡位 好岩4-6朋友😊一边食烤鱼 一边倾计空间好足够， 坐得几舒服😌