咕嚕咕嚕

营业中

休息中

讲到想系尖沙咀饮酒，诺士佛台嘅酒吧就一定走唔甩。呢间系楼上舖劲型格嘅酒吧，一出升降机就比成个气氛包围住。大型嘅酒吧台横贯餐厅左至右，唔同嘅灯光照耀住带黎一种型格又神秘感觉。黑松露薯条配黑松露 $58 劲大份，超级抵食，薯条仲要系切得每条都好粗。黑松露粒布满住每一条薯条，炸得够脆身之余，沾埋个松露酱更加浓郁。避风塘鱿鱼须 $88都几多条鱿鱼，炸粉唔算好厚，不过未至于炸得好脆略有少少不足。味道够香，避风塘嘅风味大旺炸蒜同胡椒盐嘅香味够晒突出，鱿鱼够大条，够入味。卡邦尼意粉 $108几浓厚cream味嘅卡邦尼，意粉煮得岩岩好食入口好弹牙。酱汁唔系特别多，但都已经够包住所有意粉，味道够香够浓，价钱抵食。Mocktail: GULU GULU PORCHE $60 因为唔想饮酒所以叫左杯Mocktail，呢杯调饮有橙汁,菠萝汁,柠檬汁,红石榴糖酱，入口味道有好香嘅果汁味，味道酸酸地唔太甜，唔饮酒嘅可以叫杯黎试下。