自家烏冬 (已結業)

同朋友系尖东行完街，朋友提议去自家乌冬，本来都反对，不过大比数通过反对无效。自问对乌冬麻麻，而且汤底唔系猪骨汤底，兴趣又减一些。叫左个炸猪扒乌冬，个汤唔叫好饮，但乌冬好滑，附近的萝卜好大片同埋好甜，猪扒就不过不失，味道还可以。有朋友叫左个芝士焗广岛蚝，成三十多元，不过朋友食完觉得好味，就叫一碟试下，食落果然十分唔错，贵就贵左小小，但都ok。最大问题系可能我地好夜先去，埋单好似好赶咁，侍应态度又好冰冷，叫加水都要等一阵先有。因为加左碟焗蚝，埋单食左我成八十蚊，但净系猪扒乌冬都40几，我觉得唔系好抵。如非必要，我唔会再帮衬住，除非汤底有其他选择。不过有一点系~~~环境相当唔错，如果一班十几人，真系可以霸成间房仔，我地就系咁样倾左成个钟计，呢样加返分。