歷山餐廳

营业中

休息中

晚市重开，特登约班朋友出嚟试吓呢间新新地嘅酒店自助餐。虽然新开张嘅时候，好多报道blogger YouTubr都话呢个系一个伏，但系本住「读万卷书，不如中万次伏」嘅心态，决定俾钱去试一试佢。首先讲吓呢间酒店嘅装修，的而且确可以话系富丽堂皇，至于风格都真系见仁见智。有啲人觉得系过咗火，土豪化，有啲就觉得非常之华丽 ，但系打卡都不失为一个好地方。言归正传，究竟呢个自助餐系咪真系传说中咁伏呢？简单来讲就一半一半啦。先讲菜式种类方面，都有数十款，以中式为主，西式就唔多。中式嘅菜式表现一般高过西式👍个人最喜欢嘅就系黄金虾同埋片皮鸭。同行嘅朋友就觉得个羊架系最好。甜品方面有六款唔同嘅Häagen-Dazs，仲有啲cake 焦糖布甸同拿破仑饼，仲有炮谷添。但系冷盘就明显失色啦….长脚蟹好似煲过汤咁，啲肉质好鞋而且好干身。日式嘅刺身应该系来货问题，普通去间放题餐厅嘅质素应该都好过佢🥲至于生蚝，味道普普通通啦，但系开壳可以冲干净啲……总结：如果你想揾间装修好啲嘅餐厅，坐低同朋友倾吓计食吓饭，呢个可以系一个唔错嘅选择👍但系如果你对食物质素好有要求，又或者好钟意食海鲜冷盘刺身嘅话，呢度你应该会非常失望。