敏華冰廳 (V Walk)

营业中

休息中

我每一次去敏华都要排队，排好长龙...但敏华炒蛋真系好味，唔赶时间等下都好既。今朝老板带领我地去食早餐再开工，难得岩岩开，唔使排队，正呀！呢个餐有叉烧汤意粉，呢个好味啲，个汤真心有味架，唔系水，意粉亦唔会好硬，已经变晒软林林。叉烧偏瘦，唔会有肥膏肥肉。炒蛋系呢度名菜，自然好食，好软滑又香蛋味！本身食左呢个已经够饱，奈何对面枱叫左鸡翼，好想食！叫左个脆皮鸡中翼，所谓脆皮当然系炸过，虽然炸过但系一啲都唔油，唔会食完成口油，鸡翼带少少咸味，鸡皮几脆。临走见到个部外卖机，宜家买外卖自己嘟八达通就得啦，好方便！