Steak Bar (已搬遷) 新店位置

今日同个姨生喺中环睇完医生，所以顺便食埋饭先返屋企，咁就唔使煮晚餐喇！我带左佢去Steak Bar食牛牛！拒话上次喺日本食过吉列炸牛扒后好钟意食，所以要order呢款！个餐有前菜，系芝麻酱豆腐，仲有沙律同饭！份牛扒好大，而且仲有少少生，所以跟左个石烧，可以自由烧返几熟都得！由于牛扒系吉列炸，阵皮好脆，肉再略略烧一烧，牛嘅香味更突出，而且肉质仲系好嫩！名副其实嘅外脆内软！我自己就食安格斯西冷牛扒，因为实在系懒得再烧！黎到切开件扒仲系嫩粉红，啱晒我要求！好有牛味同冇渣，而且仲好juicy！我只系加左海盐已经觉得好够味，唔需要其他调味品喇！由于啲扒实在太好食喇，结果我地二人仲要加多碗饭先可以清晒啲牛扒，好满足嘅一餐呀！