影片
更多
2012-12-19
251 浏览
寻日(18-12-2012 Tue)爸爸又突然返乡下,而又系男友o既例假,咁等我放工后一齐出街食晚饭.而接近一个礼拜前见到报纸介绍呢间,有好多地道特色o野食,同男友商量过后,佢都话o黎呢间.我o地好早o黎到,只系三张卡位都有客人,坐低后我o地就叫o左报纸介绍o个三样先::3. $30.00o既山东烧鸡(例)呢个竟然系第一个到,由于我唔记得叫手撕,所以畀o左斩件我o地,而呢个系髀位,烧鸡跟一碟蒜醋上,我又先唔蘸汁食,报纸报导烧鸡系先烧后卤,再手撕去骨,呢个卤系咩o野卤?系卤水吗?我就食唔出调味o既味道,只系淡淡o既鸡味,咁唯有蘸蒜醋食吧.不过呢个都保留到肉汁同嫩滑o既质感.味道: 3分1. $22.00o既东北皮冻报纸又介绍系以猪头猪耳猪骨等煲烂再凝固而成,呢个见到类似猪耳o既部份,食落,味道唔太浓,而虽然见到猪耳纹但系冇咬猪耳o既口感,成个就系一个冻糕,呾我o地都系要夹埋面上o既蒜蓉食.味道: 3分4. $18.00o既凉拌海带都未上第三样,男友见上面两样o既份量都唔系咁多,就决定叫呢个,因为佢这话要食菜呢.而呢个海带都算爽口,亦都系加蒜蓉同豉油,不过就多o左芫荽,海带捞呢啲调味料食,
而接近一个礼拜前见到报纸介绍呢间,有好多地道特色o野食,同男友商量过后,佢都话o黎呢间.
我o地好早o黎到,只系三张卡位都有客人,坐低后我o地就叫o左报纸介绍o个三样先::
3. $30.00o既山东烧鸡(例)
呢个竟然系第一个到,由于我唔记得叫手撕,所以畀o左斩件我o地,
而呢个系髀位,烧鸡跟一碟蒜醋上,我又先唔蘸汁食,报纸报导烧鸡系先烧后卤,再手撕去骨,呢个卤系咩o野卤?系卤水吗?我就食唔出调味o既味道,只系淡淡o既鸡味,咁唯有蘸蒜醋食吧.不过呢个都保留到肉汁同嫩滑o既质感.味道: 3分
1. $22.00o既东北皮冻
报纸又介绍系以猪头猪耳猪骨等煲烂再凝固而成,
呢个见到类似猪耳o既部份,食落,味道唔太浓,而虽然见到猪耳纹但系冇咬猪耳o既口感,成个就系一个冻糕,呾我o地都系要夹埋面上o既蒜蓉食.味道: 3分
4. $18.00o既凉拌海带
都未上第三样,男友见上面两样o既份量都唔系咁多,就决定叫呢个,因为佢这话要食菜呢.
而呢个海带都算爽口,亦都系加蒜蓉同豉油,不过就多o左芫荽,海带捞呢啲调味料食,真系好特别.味道: 3.5分
2. $68.00o既香烧羊扒
呢个又话用有皮下脂肪o既蒙羔羊o既做,呢个一o黎到已经嗅到张烈膻味,亦感觉到热腾腾.
食喇,味道系好膻同辣,但估唔到羊肉多汁同软腍,
而其实提膻o既系上面o既孜然,但就咁食孜然,味道又系唔咁浓㖞,呢个果然系同羊肉匹配.呢个系好食,不过我食埋第二件就觉得漏.
味道: 5分
5. $35.00o既茴香鲜肉饺子
呢个又系一开头我o地话想叫但惊食唔晒o既o野食,见可以食就叫个饺子啦.呢日有$30.00o既西洋菜鲜肉饺,但咁普通,而且被我见到呢个,所以决定要,一碟有10只.
出奇地,呢个系就咁净上兼冇任何调味料,我就试吓净食,哗!茴香味道好浓,唔识形容佢o既味道,佢比芫荽更厉害,睇睇,馅料好实,且只只都胀卜卜,猪肉唔多,茴香亦剁到好碎,而饺子皮呢,比想像中薄好多.
而食多一只时,就接受o左茴香o既味道.味道: 5分
6. $48.00o既拔丝香蕉苹果
呢个系男友话想食甜品,咁我唔想再出去揾,而且又好耐冇食呢样,于是又叫.落单时亚姐问我o地要香蕉定苹果?我答要苹果,佢话要一样咋?我问系咁可以一碟有晒两样?佢答可以.我就话好啦,我贪心啲要晒两样.佢就话唔系,系样样都试吓嘛.哈哈,呢位亚姐真知我心意.
呢个都等o左耐终于到o黎,一个后生啲姐仔连埋冰水一齐拎出,上到枱就即刻帮我o地将香蕉苹果放入冰水后再爽返上碟,我o地自己冇得玩.
整好晒食喇,之前个亚姐换过支胶叉畀我o地食,我拮o黎食系好难拮,因为外层硬o左啦.食落,外层好脆好甜,里面就软淋淋;外冻又内热,不过男友话热o左o既生果有啲酸.味道: 4.7分
服务:
主要上菜o既亚姐好nice,不断帮我o地加茶,唔错.
其他:
特别一提,呢o度o既茶,同其他茶餐厅,大牌档o既唔同,系有一片片茶叶o既绿茶,男友话饮到回甘,我就觉得味道淡淡,但咁特别o既茶已经觉得有诚意.
我o地食完o野至搅枱上o既o野,原来有一盅生蒜蓉,开头我以为系盐添.
我o地又睇睇menu,呢o度重有好多o野食,有未听过o既流亭猪手,重有担担面,男友话有机会佢会再o黎试其他o野食.张贴
