德島 (幸福中心)

营业中

休息中

经过幸福中心德岛，想入去试吓啲奶茶保唔保持得到，只脚踏入舖头，就已经有人招呼，我哋觉得坐呢度又好似大风，𠮶度我又话近门口，换咗两次，个靓女侍应仍然殷勤招呼，可以比足分数。试吓未食过嘅咖哩牛筋饭，咖哩有椰汁同奶味，香气十足，牛腩牛筋够"林"，奶茶仍然保留高质，值得一饮再饮。另一惊喜就系件多士，可以讲其他茶餐厅都揾唔到，只睇颜色外观巳经值90分，咬落脆口，我要求高啲都可以讲接近满分。呢间舖原来开咗几日，大窗光线十足，望住出面个景，攞住杯奶茶或咖啡，真系可以呆足成个下午，享受吓人生。