影片
更多
2024-09-12
452 浏览
冇写食评好多年了，但系早几日去完一间陶x饮茶，平均每人百几二百蚊难食到飞起，寻晚再嚟三好，一比较之下真系要为呢间小店写一写食评🙏🏻小朋友喺呢个商场功课辅导，终于有间似样啲嘅食店，等我可以接佢嘅时间食埋饭先返屋企啦👍🏻由于新开张，初初都唔敢乱推介，试咗多几次先敢确保佢嘅稳定性👍🏻因为唔系每次都影相，所以有些推介系冇相的。环境：入到店舖，个场挂咗好多「好」字嘅标句，入到嚟毎句望吓读吓加强正能量😝好配合佢个名👍🏻以呢类型嘅点心店嚟讲都算坐得舒服了，木制家私，地方干净。服务：一开始嘅时候觉得佢啲伙计虽然好努力咁，但系有啲新手，经过好似差唔多两个月之后，觉得佢哋上手咗好多，同埋都有礼貌，执枱都快手快脚。食物：我哋通常先叫一壶人参乌龙茶，因为好少地方有，再叫仔仔最钟意嘅必食点心，之后先每次试啲其他点心，暂时仲未试齐咁多款。仔仔必点嘅有：1. 椰皇炖汤👍🏻（椰香味浓，味道应该冇味精），初初仲有其他汤，不过转左餐牌之后只剩下椰皇炖汤。2. 炸鲜奶👍🏻（个皮松脆、入口即化，鲜奶部分甜度适中）。3. 大大只鹌鹑蛋烧卖👍🏻（肉质刚刚好绝对不会是烂啤啤的）。4. 枣皇糕👍🏻（以往只觉得利x的枣皇糕好食，而家就
小朋友喺呢个商场功课辅导，终于有间似样啲嘅食店，等我可以接佢嘅时间食埋饭先返屋企啦👍🏻由于新开张，初初都唔敢乱推介，试咗多几次先敢确保佢嘅稳定性👍🏻因为唔系每次都影相，所以有些推介系冇相的。
环境：入到店舖，个场挂咗好多「好」字嘅标句，入到嚟毎句望吓读吓加强正能量😝好配合佢个名👍🏻以呢类型嘅点心店嚟讲都算坐得舒服了，木制家私，地方干净。
服务：一开始嘅时候觉得佢啲伙计虽然好努力咁，但系有啲新手，经过好似差唔多两个月之后，觉得佢哋上手咗好多，同埋都有礼貌，执枱都快手快脚。
食物：我哋通常先叫一壶人参乌龙茶，因为好少地方有，再叫仔仔最钟意嘅必食点心，之后先每次试啲其他点心，暂时仲未试齐咁多款。
仔仔必点嘅有：
1. 椰皇炖汤👍🏻（椰香味浓，味道应该冇味精），初初仲有其他汤，不过转左餐牌之后只剩下椰皇炖汤。
2. 炸鲜奶👍🏻（个皮松脆、入口即化，鲜奶部分甜度适中）。
3. 大大只鹌鹑蛋烧卖👍🏻（肉质刚刚好绝对不会是烂啤啤的）。
4. 枣皇糕👍🏻（以往只觉得利x的枣皇糕好食，而家就多埋呢间三好，有日带咗公公过嚟食，公公话好食过利x嘅枣皇糕，唔知迟啲过年嘅时间佢会唔会有得一底底咁买呢😋咁我就唔洗特登去利x订了）。
5. 好妈咪肠粉👍🏻（个皮滑过BB个面，我通常会先食一部分唔落豉油，食清楚个原味之后先加豉油，好重米香味一只只虾肉好弹牙有虾味，配搭埋叉烧啱啱好满足到我哋呢啲咩都想食嘅人）。
6. 蒸饭，每次试唔同嘅蒸饭，全部蒸饭粒还粒好靓👍🏻试过黄鳝饭（可能因为蒸，所以啲黄鳝较为腍，但本身唔食黄鳝嘅仔仔食完觉得好食）、酸菜牛肉饭（本身谂紧会唔会好古怪，但原来两者夹到㖞，如果牛肉多番少少会好啲）、菜脯酱凤爪排骨饭（唔使加豉油捞埋啲饭味道刚刚好）、虫草花云耳蒸鸡饭（有姜蓉味嘅鸡饭）、梅菜肉饼饭（啲肉饼唔系烂啤啤𠮶种，不过如果可以多多少少肉饼会仲好）。
其他食物：
1. 虾饺、烧卖啲虾好新鲜，靓过好多其他地方👍🏻
2. 鲜竹卷一次好正，一次咸咗啲。
3. 状元饺，有啲似小笼包，好多肉汁，不过个皮比起小笼包厚身少少，有少少似蒸锅贴。
4. 黑松露野菌饺，好香啲菌味，个皮晶莹通透，无论个皮定个馅都好食👍🏻
5. 棉花鸡，$30大大嚿鱼肚，正👍🏻
6. 流沙奶皇西多士/流沙奶皇包，入面个馅好香咸蛋黄味，正👍🏻一开始系西多士，之前喺西环、天后周x食过味道口感差唔多，不过可能地区问题，周x贵啲，最近转咗餐牌之后变成流沙奶皇包，馅一样，不过要快少少食，如果冻咗个包皮会有少少干，下次可能后加会好啲。
7. 香蕉包，个包皮好软熟，入面真系有香蕉，小朋友好钟意食。
8. 鸳鸯鲜虾米网肠，有少少似春卷肠粉，但系个皮同春卷唔同，虾肉好多👍🏻
9. 咸水角，未转餐牌之前系青咖喱咸水角，转左之后系普通咸水角，虽然都好食，但系我个人都系钟意一开始嘅青咖喱咸水角多啲，比较有特色，问应该系老板定经理，佢话因为好多老人家问佢有冇原味咸咸水角，所以转咗，个人希望三好考虑整返青咖喱咸水角啦😝
10. 酿茄子，酿喺上面𠮶层应该系加咗墨鱼，厚厚的。
11. 姜汁糕，公公钟意食，甜度刚刚好，我自己钟意再多啲姜，不过小朋友话而家已经啱，如果唔系会好辣，所以唔同人口味都各有不同。
12. 千丝香芋酥，比较起炸鲜奶，我哋会钟意后者多啲。
13. 排骨春菜煲，试过有一次咸得好犀利，向店员反映过之后后来味道刚刚好。
我哋食到揽住个肚，每次都只系平均每人8、90蚊👍🏻
一间咁有心嘅点心店，咁勇敢喺疫市开店，值得我抽空写吓食评，希望香港能保留多啲呢类小店啦🙏🏻
10 浏览
0 赞好
0 留言
张贴
