和牛燒肉‧純 (已搬遷) 新店位置

朋友好钟意食和牛，未攞到假飞转日本神户，去住新假期得奖食店──和牛烧肉纯食住先啦！一入到烧肉店，店员例牌用日文打招呼，坐低后，仲不断听到有人用日文有讲有笑，原来有一大班日本大妈大叔包左半个场，系度开Party。坐低无耐，又有几个日本人入座，睇来呢间和牛烧肉店口碑唔错啊！打开Menu，有一张图介绍和牛稀少部分的特色和价钱。呢度除咗有和牛，仲有豚肉和鸡肉。可以拣单叫，亦可以拣Dinner Set。我哋最后拣咗一个特选日本产和牛西冷拼盘，有和牛西冷、和牛牛排肉、和牛上牛排肉、厚切牛舌。另外，再加两杯荔枝特饮同蜜桃特饮。牛排肉好厚身，烧到五六成熟就够了，一摆入口，油脂同牛肉系嘴入面融化，真系好正！牛排肉油脂分布均匀，就算唔小心烧耐咗，牛肉都不会变得烟韧，七八成熟的牛排肉都做到入口即化啊。跟住，烧牛舌，块块牛舌都好厚好弹牙。同薄薄一片烧牛舌嘅口感完全唔一样。牛舌油脂相对少，食落比较爽口。最后，系满布雪花油脂嘅和牛西冷！三个不同部位中，最多油脂嘅系和牛西冷，不过食落一啲都唔肥腻，因为西冷嘅油脂分布十分均匀。一摆旧牛肉入口，油脂的甘香充满整个口腔，嫩滑的牛肉融化系油脂嘅甘香入面，真系好好食！虽然埋单