大胃燒

营业中

休息中

今晚收夜咗，又喺佐敦揾嘢食，今晚想食餐好啲嘅，所以就去咗文字楼𠮶边食四川烧烤，揾间新嘅试下先，呢间四川烧烤店，平时都好多人，所以冇食过，睇佢门口嘅宣传，都好似好多明星嚟过食嘢㖞，应该都几稳阵，所以就拣咗呢间，首先点咗麻辣烤鱼，今次拣咗钳鱼（大半条 $188）冇乜骨，肉质都算有口感，最惊喜系薯粉，加咗落烤鱼入面，熟咗之后入晒味，好正！另外又嗌咗基几款烧烤，包括烧贵妃蚌，上面加咗好多蒜蓉同粉丝，整体味道好配合好正，另外又点咗一份消蚝，消蚝味道就一般般啦 ，另外叫咗几款蔬菜类，包括烧秋葵、烧蕃茄、烧茄子等等 ，烧秋葵加咗 孜然粉之后非常香口，埋单 480 元，人均 240 元。