橋底辣蟹 (雅閣大廈) (已結業)

估唔到做左三十年人终于食到正宗既避风塘炒蟹！放左工过海同朋友黎揾地方食饭见到门口咁多明星既相 ，就入左去食原本以为死啦一定好贵原来除左辣蟹贵小小之外，小炒都系正常价钱$88-128 都有～ 咁一大班人一齐SHARE都唔系话贵，同出去打个边炉差不多价。餐牌上面有好多套牌，4人、 8人、12人餐。全部都包一只蟹。 不过我都系想散叫，可以简自己中意既野食嘛招牌辣蟹：好香，好新鲜，唔会梅，D肉仲系一丝丝咁个壳扑好左比我，几贴心，亦都入味D，入面既肉都有GARLIC香！辣得好过瘾，可以简辣度，中意食辣既人一定要叫辣D～烧鹅：几高水准，皮好香肉好嫩，有肉汁，唔好干柴咁！辣酒煮螺：推介好入味好惹味，辣辣甜甜既汁。豉汁炒花甲：干净冇沙，粒粒都有肉唔会甩哂出来～好新鲜好有镬气咕噜肉：炸得好香口，炸粉不会太多，个汁酸甜适中。西兰花斑球：菜炒得唔会太老，斑球好嫩，调味岩岩好唔会太咸，好夹！总结黎讲都好抵食！唔会你传闻中贵到天价咁～其实都好平民化，只系大家传黎传去以为好贵。