六合小廚 (已結業)

约咗妹妹去尖沙咀行街兼食晚饭， 佢话要食中菜， 我就带佢嚟"六合小厨" 我之前试过午餐很不错， 上到去妹妹见到个餐牌样样都想食😆， 阿妹爱辣点咗"毛血旺"， 我钟意食牛点咗个"秘制黑椒土豆牛腩粒"， 再加多个香口嘢''香煎潮式蚝仔烙" 还有"巷仔柴鱼花生猪骨粥" ， 仲有饭后甜品反沙芋……肥死啦！ 首先上枱毛血旺- 哗😱！咁多料，猪红、鱿鱼、虾、木耳、 猪皮、柏叶，墨鱼及配菜…真和味，够辣👍🏻😋再嚟秘制黑椒土豆牛腩粒,- 出面一般用牛柳粒，暮仔又会炸到干晒， 但呢度暮仔仍然软棉棉配埋牛腩粒原来好夹， 口感也很好又唔会干😋蚝仔烙- 够香口，材料又足，入口 绝对唔会一口粉浆， 蚝仔只只都胀卜卜，都唔细仔架……正！😋巷仔柴鱼花生咸猪骨粥- 真心推介👍🏻👍🏻， 出面真系食唔到， 粥底入口好棉， 浓浓嘅猪骨柴鱼香味，佢哋有粥餐架，可以配肠粉/炒米/烧卖，我谂起都想再食😋😋😋甜品反沙芋- 做得好好，芋头炸得刚刚好入口外面脆脆地里面好粉，沙糖刚好包住每旧芋头非常好， 其实我哋已经饱到上心口， 但平时好少食到，最后清哂😋😆😆😆