李氏廚房 (已結業)

近排成日落雨， 好想食啲开胃嘢食， 最啱就系食啲酸辣辣嘅韩国菜。 朋友 咁啱喺西湾河见完客，就即席推介去李氏厨房。 到左先知道，原来就喺尖沙咀好出名的“李家”分店。 西湾河店改咗名叫李氏厨房。唔需要谂，即刻嗌咗炸鸡， 佢哋最出名拿手菜式， 款式真系好多，有原味、甜酸、酱油、 粟米、芝士…………另外仲好多铁板类和芝士锅， 不过我哋两个女仔， 对于我哋嚟讲份量太多，留返下次 多啲人聚会一齐嗌。蜂蜜大蒜炸鸡 (无骨)， 无骨鸡啖啖肉， 炸到外皮干身香脆松爽， 鸡肉保持嫩滑多肉汁， 超多海量嘅蜂蜜， 加上大蒜粒 同埋蒜蓉， 真系好滋味。芝士味炸鸡 (无骨)， 无骨炸鸡可以保持仪态，而且啖啖肉真系好， 芝士味劲多芝士粉， 非常香浓。雪浓汤汤头香浓而且有好多牛肉片， 有少少素面， 吸收咗雪浓汤嘅味道， 又爽口又鲜味。 配搭好多餐前小菜 ，泡菜+ 芝士肠+ 煎蛋卷 +薯仔 +鱼饼 +麻油菠菜 + 豆芽。 真系超级丰富。