DC 甜品屋

营业中

休息中

今日出咗去大角咀，下午茶时间想揾啲嘢食，见到这间店，本身以为只系得甜品，但见门口餐牌有意粉小食可以叫，价钱也唔贵，于是决定入去食. 舖位虽然唔系好大，但坐位舒适. 店内啲灯几靓，啲图案有啲似天主教教堂果D彩色图案小窗.食物叫咗白酒蚬肉意粉、芝心鸡堡配薯条、孜然羊粒、鲜牛油蒜蓉包（两块）、甜品叫咗飘香，即系杨枝甘露榴梿版同埋姜汁流沙蛋黄汤圆.蚬肉同意粉份量也不少，味道调得也不错，唔会过咸. 芝士鸡堡流心效果正，薯条系粗薯条，点少少盐食不用点茄汁也ok. 羊粒有羊臊味，钟意食羊嘅人好多都系钟意佢个臊味. 蒜蓉包即叫即整，热辣辣脆口不错. 至于榴梿版杨枝甘露，都几有惊喜，味道唔会过甜，质地少少杰身，有榴梿香. 姜汁汤圆个糖水底够姜，流沙蛋黄真系做到流沙效果，个馅少少咸香几好味. 服务方面不错，甜品选择又多，中西式等好多款拣，好多款都想试.这店应该似系家庭式经营，家庭式经营都可以有咁多款选择真系几有诚意.