生記滷味

营业中

休息中

放假同另一半去港岛西半日游，行下行下就肚饿了，碰巧行到生记卤味门口，一望入铺面就觉得几特别（恕我以前无听过呢间西环有名卤水店），墙身除左餐牌外，就黏满生记卤水新闻报导，老板老板娘同各路名人嘅合照，咁特别嘅铺头当然入去试一试。坐低先发现原来仲系米芝莲2024 新上榜餐厅💯😍。我地叫左两个套餐，卤鹅片饭同卤猪手饭，鹅片肥瘦适中，味道都唔错，饭配有卤豆腐同咸菜，唔会太咸，送饭一流。最有诚意系每个餐送碗足料热辣辣黄豆凉瓜汤，出街食饭都有汤水滋润🥰，满足。堂食客人唔算太多，但外卖客源源不绝，有机会都斩料返屋企俾屋企人又试试呢间米芝莲卤水。