越男仔

营业中

休息中

日日行过哩间越南嘢，都几近full晒，今日得闲可以试下。晚上好多嘢食拣，仲有好少见嘅3 course dinner，平平地已经有2款小食加主菜，好得意。热双柠香茅姜蜜，套餐加配，姜味好温和，唔会好辣，淡淡香茅味道，饮完好暖。冻水果茶，以锡兰茶为底，落入数款水果同青瓜，饮落好清甜。蒜蓉牛油双虾+扎肉捞金边粉，用火枪炙烧越南红虾，虾肉半熟，入口软嫩清甜。金边分搭配埋大量酸萝卜丝，酸甜惹味好清爽。3 course dinner，主菜拣咗牛猪PHO(生牛肉+烤牛肉+猪颈肉+猪扒)配红番茄汤檬粉，小食系无骨黑糖凤爪沙律同椒盐脆蛋鱼柳。鱼柳送上来仲热笠笠，表皮香酥鱼肉鲜甜。牛猪PHO真系不得了，肉多到满晒出来，特别系烤牛肉，牛肉烤到微微焦香，入口牛肉味好重好好味。汤底用足料煲制，饮落番茄味重，酸甜爽口还会有少少回甜。