緣聚西日餐廳 (西裕街) (已結業)

虽然放题食物唔可以话十分高质，但胜在选择够多，呢个价钱食到过百款食物，仲有打边炉，虽然2次都系2个人所以真系食唔到火锅，但都见到几多客人打边炉，外面仲有清酒梅酒任饮。刺身都算新鲜，但切得大小不一得好紧要，都算高分之选，推介可以一试油甘鱼，希灵鱼，甜虾，生虾刺身，象拔蚌。寿司，军舰，卷物，手卷都麻麻地，可以唔洗试，但左口鱼不防一试。外边食物枱上既食物，基本都可以唔洗试，太干太硬同一定冻哂，冷盘泡菜同头抽珍菌可以拎少少做前菜，其他沙律都可以唔洗试，蒜蓉金菇好咸。蟹粥蟹肉梅哂，粥都okay, 蒜蓉烧蚝好咸，烧多春鱼，烧墨丸极度干燥，不建议叫，清酒煮蚬都麻麻，不试也罢。羊架唔错天妇罗太厚粉，汁太咸，可以唔洗试。最满意系海盐牛奶雪糕，焦糖牛奶雪糕都唔错。乳酪雪糕都唔错，焦糖饼雪糕有d怪怪地，似药水味。