滿屋日本料理 (已結業)

今日同家姐系铜锣湾行完街之后，唔知食咩好，经过铜锣湾广场二期，见到放题醒起都好耐冇食噜，于是我地决定今晚食放题！我地拣左满屋放题，见佢都几多野食，例如有刺身、寿司及炸物等。剌身方面，我地叫左三文鱼、甜虾、松叶蟹棒，食落都几鲜甜！而寿司方面，都非常多选择，火灸芝味和牛、芝士黄金蟹棒烧、花之恋都几好食！寿司都几大旧架，细食既朋友就可以轻尝下！我地仲叫左个海胆手卷，入口都唔错架！串烧方面，我地叫左盐烧牛舌同盐烧鸡软骨，盐烧牛舌真系烧得几好味，食落好香又保持到个质感！鸡软骨都唔错几有咬口！一品料理方面，我地叫左和风汁牛柳粒同铁板和风牛舌，牛柳粒炒得对几入味！我地仲叫左黄金烧帆立贝同竹笙瑶柱蟹肉翅，蟹肉翅都几香架！炸物方面，我地叫左虎虾天妇罗、自家制吉列炸蚝同猫山榴梿炸弹，炸蚝炸得几脆又唔会腥，而榴梿炸弹有好浓郁既榴梿香味，好正！总括黎讲，呢间啲食物质素几好，价钱又唔会太贵，上菜都上得几快，侍应既服务态度都几好，下次去铜锣湾会再黎食！