ChumChum味 (已結業)

朋友极力推介叫我一定要去呢间食韩国菜，见疫情稍缓，就同太座呢个韩剧粉丝去食吓!店舖在地下商场内，虽然地址在么地道，但应该由赫德道入去会较方便!门口已经听到有韩语，心谂应该系由韩国人经营吧，点知坐低原来有唔少韩国人帮衬，咁真系要正宗先有咁多韩国人嚟食啦!未食过酱油蟹，太座叫我试吓，原来会跟一碗紫菜饭捞蟹肉嚟食，一啖食落去真系唔停得口，鲜甜无比，整碗紫菜饭都俾我扫清，强烈推介!太座见到有韩剧主角经常食嘅炸酱面同炸鸡，佢当然立即化身女主角啦，哈哈，我有我食饭，佢就第一时间夹著面食，跟住系“哗”咗一声，佢话好味呀，系佢喺香港食过最好味嘅炸酱面，食到佢几开心；我食完饭食旧炸鸡，外脆内软，仲有肉汁，真系饱饱地都可以再食多几旧，饮埋杯生啤，可以话完美!太座已经话下次食韩国菜要再嚟呢度食!朋友介绍我，我就一定推介俾大家!