孖寶車仔麵

营业中

休息中

葵涌广场除左扫街之外，其实仲有好多餐厅，今次就试左朋友推介嘅车仔面。下午茶三𩠌面套餐都几抵食，配料选择多，我拣左手打面、豆卜酿豚肉、鱼肉春卷、咖喱鱿鱼，配腩汁。手打面貌似油渣面𠮶种面，粗身但偏腍。第一次食豆卜酿豚肉，豆卜包住大大粒肉丸，吸晒汤汁好正！鱼肉春卷烟烟韧韧，中间混入芋头增加口感。咖喱鱿鱼爽口弹牙，咖喱汁香辣惹味。枱上仲有辣菜甫俾客人任加，可以提升汤底味道。本来想叫墨鱼条碗仔翅，但伙计话墨鱼条无货，所以叫左鱼肉。鱼肉份量好多，入口弹牙无腥味，有惊喜。碗仔翅质感稠身，加入冬菇丝、木耳丝等配料，再倒少少红醋，令味道更丰富。辣鱼蛋用左陈皮鱼蛋，质感比较结实，我觉得辣度可以再加强。