養心亭

营业中

休息中

天气冻冰冰想食啲热嘢，见到有醉鸡米线，又好似几多人食紧，价钱又唔系好贵，所以就决定试吓。.叫咗个药膳醉鸡汤银针粉，好少餐厅会有银针粉，咁就试吓夹唔夹～ 食得鸡汤汤粉就当然会饮埋个汤，连埋银针粉一齐食食到好重嘅药膳味，但系鸡味或者酒味就唔够浓。.啲鸡亦都冇咩鸡味或者酒味，略为失望。唔算好嚡，但都唔系好滑好嫩，只能够讲有好多鸡，以数量取胜。不过送咗一个辣辣地嘅豉油，个鸡点完会香啲，加返少少分.另外跟餐送咗个腌青瓜，都爽口味道正正常常。仲送咗杯热茶，好似话系咩养生茶，饮落去的确系有少少类似红枣或者桂圆味，好暖身。.整体嚟讲，如果你想食好多鸡嘅话，呢度绝对啱你，但系如果你想食重鸡味或者酒味嘅醉鸡，同区会有更加好嘅选择。