川莊

营业中

休息中

琴日平日12点去咗食酸菜鱼。系返工时间，但系都有五六枱人客, 算系有人流。叫咗个唔辣嘅酸菜鱼, 另外再叫咗个招牌炒饭。上菜速度正常,酸菜鱼里面已经有粉,个粉系粗身已经入晒味, 同埋好烟靭, 系会想再添𠮶种😋。啲鱼佢有分普通同埋桂花鱼拣, 今次叫咗普通, 佢味道十分浓郁，老人家就会觉得咸咗啲。同埋个鱼会连埋啲鱼皮感觉好新鲜, 二人份量$268喺朗豪坊嚟讲唔算贵。桂花鱼就328下次会试吓。佢嘢饮做紧第二杯半价, 本来想试水果茶, 但可惜唔饮得冻嘢。会有茶芥, 佢嘅茶杯系好似功夫师傅用嘅会有个盖要慢慢饮先至可以格到啲茶渣, 因为佢啲茶叶全部放晒落个茶杯度，所以有少许麻烦，但可能系特色。埋单$468二人用, 呢个价钱喺商场里边都叫可以接受。呢度气氛好好, 静静地光线又调暗, 系舒适嘅地方。