Plato Cafe & Bistro (Mikiki)

多次想同同事一齐食呢间lunch 长期要等位嘅西餐厅，上次等唔到位，今次终于俾我哋等到可以试试佢。对上一次已经拣好左韩式泡菜海虾意大利面呢个餐，因为我哋lunch 时间有限，一坐低就要即刻落order，唔系真系唔够时间。好彩我无拣错，呢个意粉嘅汁我觉得佢系用泡菜打汁而成，无乜开稀到。开头见到佢汁唔算多，以为唔够味，点知，食一啖就已经知系真材实料。泡菜汁好挂粉，入口即刻有浓烈嘅泡菜味，每啖意粉都有满满泡菜嘅酸酸辣辣，超入味。而海虾够大只，分量亦多，起码有4-5只。因为佢个酱汁实在好浓泡菜味，如果唔食得辣嘅朋友就唔好挑战自己。好可惜因为lunch 实在太赶，如果可以慢慢享受呢到嘅环境加食物就更好了。