一番日本料理

营业中

休息中

唔知食咩好，见几full 就入去试吓，真系畀佢d寿司size 吓亲！🤣铺头唔算大，坐得少迫但香港地黎讲都算正常！点餐方便，自己系餐纸tick 就ok！环境正常，嘢食种类都颇多！海胆刺身：是日海胆刺身特价，即管嗌嚟试吓！估唔到又几好味，几重芒果香味，又冇腥味！软壳蟹反卷: 一嚟到真心吓亲，一旧好似岀边两旧咁大旧，味道都唔差，绝对抵食！杂锦鱼生饭: 又系超级无敌大碗，食到劲饱！三文鱼有惊喜，油脂好丰富食落去好滑！吉列猪扒饭: 又系劲大碗, 猪扒好大旧, 净系个size已经好惊喜！关东煮: 味道OK，分量十足！总括黎讲，味道ok，嘢食大件夹抵食，值得一试！