影片
更多
2023-01-02
534 浏览
除夕，原本下午打完针，同婆婆太婆食完lunch就打算回家自煮。点知太婆话好耐冇见曾孙，12月曾孙生日都未同佢食过晚饭，今晚请食饭。因为系除夕，都怕会冇位，即时上openrice睇下边度唔太贵又近有得订位。原本选左间系坑口的，但唔知点解佢2位可以订枱，但4位就唔可以㖞。跟住婆婆提意去将军澳南，我本来唔想的，怕离地铁有D远，怕太婆行得累；不过太婆话都未去过，去行下都好。最后就决定MADRIA啦，因为睇相见佢环境都唔错。有室内同户外都有位坐，我地就选左坐室内，因为都怕冻。见有人唔怕坐户外，应该又系另一种享受既。Book左位，其实我地都成6:45先去到将军澳站。太婆行得慢，我就先去左攞位，都怕太晏去会冇位，除夕嘛。点知去到原来都冇乜人，7点都系得2枱客。坐底等太婆，婆婆同仔仔行过黎，睇下Menu好抵㖞，Dinner Set竟然只系288起，头盘有汤或炸鱼饼；主菜有5款可选，牛仔骨，羊架，咖喱鸡饭，pizza咁上下，唔记得影menu；重有甜品香蕉蛋糕或曲奇，同一杯饮品，睇落都几多野食。因为我本身系细食既人，所以都谂定叫2个set就够，跟住散叫多个意粉或Pizza或沙律，应该就好够食。最后决定餐叫
Book左位，其实我地都成6:45先去到将军澳站。太婆行得慢，我就先去左攞位，都怕太晏去会冇位，除夕嘛。点知去到原来都冇乜人，7点都系得2枱客。坐底等太婆，婆婆同仔仔行过黎，睇下Menu好抵㖞，Dinner Set竟然只系288起，头盘有汤或炸鱼饼；主菜有5款可选，牛仔骨，羊架，咖喱鸡饭，pizza咁上下，唔记得影menu；重有甜品香蕉蛋糕或曲奇，同一杯饮品，睇落都几多野食。因为我本身系细食既人，所以都谂定叫2个set就够，跟住散叫多个意粉或Pizza或沙律，应该就好够食。
最后决定餐叫汤及鱼饼各一，主菜要牛仔骨同羊架，我讲左几次叫意粉架，但婆婆想食串烧，仔又话要食果铁板鸡卷...结果，肉，全晚都系肉，我完全系一晚食左一个星期份量既肉。
西兰花汤
炸鱼饼有4块咁多，岩岩好一人一块。佢个甜辣酱有D偏辣。
跟餐的无酒精mocktail，就系士多啤梨 soda，加粒棉花糖。好饮架。
仔仔点的铁板鸡卷，个鸡有少少辣，我麻麻地，但仔同婆婆佢地觉得OK好味。
牛肉及鸡肉串烧，最后系食唔晒，要打包的。都系果句沙嗲酱有D辣，黎到依度我发觉，依间野全部野都系偏辣的。唔系佢所写既多国菜，系偏印度的。
牛仔骨，好大份，有3大旧，288一个餐咁既份量真系抵到爆，仔，婆婆同太婆都话好味...但系我，食到，又系少辣，食到依刻，我觉得我个口除左辣，食唔到其他味。
最后羊架，又系有3大旧，我已经好饱，好辣，只系切左少少一啖黎食，都OK唔会好so。但系整得太生，熟多少少会好D。但因为家都饱饱地，太多肉，生的当食少D就算了。
甜品，我以为仔仔会叫2个唔同的，点知佢叫晒2个都系香蕉蛋糕加雪糕。好大份，味道就冇乜特别。期间，隔离枱原来有人生日，见职员会送上蛋糕唱生日歌。整体环境唔错，坐得舒服，食物好食同劲大份的；不过如果好似我咁唔系好食得辣的，可能要谂谂。依间D肉个腌料好似都系偏辣，如果再黎我谂我都系叫意粉就算了。
依间野基本都系外国侍应，但menu有中文的。侍应都几细心，因为2老都唔想饮冻野，我就问有冇热水，侍应系拎个靓靓茶壶比热水的，而且会留意老人家斟完水差唔多无水就会主动refill热水，真系好过今日下午去果间食店，想要杯水都要等运到，职员叫极都冇人的。
埋单900松D，净系288果2个餐就觉得好抵了，除夕其实都估每个人起码300，点知唔驶，重要饱到漏。唯一唔好系离地铁真系太太太远，食完行番出去搭地铁，好似都行左半小时。
张贴
