影片
更多
2021-04-28
285 浏览
适逢是日大帽山行山，落山后近近地喺荃湾揾餐厅医肚，既然天气凉凉地，咁就不如打个边炉，于是选址位于众安街大鸿辉中心6楼嘅极品靓锅。出升降机门步入餐厅，一个"大"字就可以形容环境，地方宽阔有4千呎，楼底约5米高，亳无压迫感，被安排入座4人卡位。先睇睇Menu，汤底有11款之多，有辣有唔辣任君选择，除咗一般沙嗲锅、蕃笳野菌、麻辣锅外，亦有黑蒜猪骨锅、冬瓜八宝锅等，今次则选择海底椰雪耳竹丝鸡锅。套餐选择上分别有A)精选猪牛餐$158、B)特上USDA Prime牛肉餐$218、C)澳洲短角牛加SRF极黒和牛餐$268。小知识，普遍大众只知道牛肉有分M级(澳洲)、A级(日本)或USDA(美国)，咁究竟SRF又系乜东东？SRF系另一嚟自美国，同样系用作分辨牛肉级别嘅标准，有Silver/Black/GoldLabel 3个级别，查询后餐厅所提供嘅系Gold Label。咁就拣C餐啦，有齐各款牛肉供选择。趁食物未到，先睇睇自助区，热饮有4款养生花茶：洛神花玫瑰果茶、杞子胎菊茶、玫瑰乌龙茶、茉莉花茶。蔬菜区除咗常见唐生菜、娃娃菜、皇帝菜供选择外，亦有比较稀有于放题餐厅嘅冰菜。冻饮区又可以用个"长"字去
出升降机门步入餐厅，一个"大"字就可以形容环境，地方宽阔有4千呎，楼底约5米高，亳无压迫感，被安排入座4人卡位。
先睇睇Menu，汤底有11款之多，有辣有唔辣任君选择，除咗一般沙嗲锅、蕃笳野菌、麻辣锅外，亦有黑蒜猪骨锅、冬瓜八宝锅等，今次则选择海底椰雪耳竹丝鸡锅。
套餐选择上分别有A)精选猪牛餐$158、B)特上USDA Prime牛肉餐$218、C)澳洲短角牛加SRF极黒和牛餐$268。小知识，普遍大众只知道牛肉有分M级(澳洲)、A级(日本)或USDA(美国)，咁究竟SRF又系乜东东？SRF系另一嚟自美国，同样系用作分辨牛肉级别嘅标准，有Silver/Black/Gold
Label 3个级别，查询后餐厅所提供嘅系Gold Label。咁就拣C餐啦，有齐各款牛肉供选择。
趁食物未到，先睇睇自助区，热饮有4款养生花茶：洛神花玫瑰果茶、杞子胎菊茶、玫瑰乌龙茶、茉莉花茶。
蔬菜区除咗常见唐生菜、娃娃菜、皇帝菜供选择外，亦有比较稀有于放题餐厅嘅冰菜。
冻饮区又可以用个"长"字去形容😆 选择非常多，雪柜仲多过超级市场。除咗一般罐装/纸包饮品，亦有数款自家制冷泡茶提供，冰糖雪梨茶、马蹄竹庶茅根、夏枯草，打得边炉多，饮多两枝解喝又下火，绝对系一流。
过咗无耐，海底椰雪耳竹丝鸡锅就到，锅入面雪耳大大旧，竹丝鸡就唔系话好多，还算足料。 火锅配料陆续送上，每盘牛肉上面会放一个牌仔，除咗介绍名称，亦会写上建议烹煮时间。SRF极黑牛肩胛肉眼，一片肉就有成块面咁大，有少少咬口但脂肪分布均匀，牛魔王绝不能错过。 美国Prime封门柳，无筋，肉味突出，亦系必食item。
济洲生蚝、海虾、珍珠扇贝等海产亦新鲜，厨房事前洗洁得非常干净，无沙无碎壳，爽口弹牙，强烈建议可以不断encore蚝同虾，真心大只，回本之选！但都系𠮶句，食得哂先好嗌，避免浪费。
正餐过后又系甜品时间，品牌Tokyo Bakery标注明香港制造，放心食用。大概有十一个口味，除咗大路嘅朱古力同士多啤梨，另有海盐、豆腐、伯爵茶同绿茶等口味，大家有兴趣可以试试。
话咁快又食咗两小时，食至捧腹离场，希望呢间极品靓锅能够喺大鸿辉呢个放题集中地站得住脚，与几间人气店争一日之长短。
张贴
