金亞淶泰國餐廳

营业中

休息中

今晚同男友系荔枝角工厦食泰国菜，呢间餐厅特别在有个超大座嘅［泰式火山排骨］，好有气势，好大座，打卡一流，而且都好好味。泰式火山排骨 (猪) $158一上菜真系好震撼，超大座火山，由排骨（猪）砌成，已经炆煮至肉质松化软腍，猪味浓郁，有少少筋位，骨与骨之间嘅肉，特别香又嫩腍，最紧要沾个泰式香料调成嘅酱汁，酸酸甜甜带点辣，开胃刺激又好味，越食越辣，停唔到口，但辣味都好快散去。餐厅会提供胶手套，方便进食，落手食特别有风味，食得豪迈开心。泰式虾饼 $68即叫即炸热辣辣，个虾饼弹牙爽口，虾味几重，仲食到虾肉，沾甜辣酱更滋味。菠萝海鲜炒饭 $88用料十足，有好多新鲜菠萝，酸酸地又清甜多汁，鱿鱼爽弹，虾肉超大又弹牙，仲有鸡肉、腊肠粒、肉松，炒饭爽干粒粒分明，仲有好香嘅香料味。青柠檬薏米水 $18薏米大粒饱满粉糯，青柠水清新消腻，味道唔会好重，亦不太甜。泰式椰汁冰 $16香滑椰香够冰凉，消爽解渴。椰皇三重奏 $35食完辣野好岩食呢款甜品，清凉舒喉。底层系椰青水整成嘅jelly，上层系椰浆jelly，再加上烘香嘅椰丝，三种味道同口感好正。入口化开就如食得嘅椰青水，好好味。