Flamingo Bloom (已結業)

上个月嘅某一个星期五放工之后约左朋友去尖沙咀食饭，食完饭之后仲好早，就话不如去饮杯野。行行下见到有间餐厅门口好多人排队，望入去见到有好多鹤嘅装修，同埋个个人都拎住只鹤，原来呢间就系呢排好hit嘅Flamingo Bloom。成日o系IG见到d人杯野饮下面有只鹤，好靓，点知竟然俾我偶然黎到呢度！虽然真系几多人下.....但系我地都想试下，所以就决定排队。好彩最后唔系排左好耐，仲俾我地等到位！本来我地谂住一人叫一杯野饮，坐低倾下计，但系见到咁多人，都唔好意思赖死唔走，咁谂住快快趣饮完就走啦。临排到嘅时候，见到12月推出左新甜品，叫做绿嘢仙盅，成半个蜜瓜上面有四球唔同味嘅雪糕，我本身好钟意食雪糕，而且我都唔系会影相呃like嘅人，所以就决定试下呢个甜品。之前o系韩国嘅甜品店食过都系俾半个蜜瓜你嘅甜品，几钟意。估唔到o系呢度都揾到。个蜜瓜都几大下，佢已经帮你挖左D蜜瓜肉放o系面头，食嘅时候几方便。蜜瓜本身都几甜几多汁，雪糕球亦好大！佢有四种味，曲奇、朱古力、抹茶同士多啤梨。我系一个抹茶迷，都觉得佢个抹茶雪糕唔错，茶味唔算好浓，但亦都唔会太甜。我朋友话最好味系曲奇，甜甜地但系唔会腻，配埋清甜嘅蜜