雲家小鍋米線 (安寧大廈)

营业中

休息中

Lunch去咗米线铺食米线，之前有同事话呢间几抵食，大碗，够饱肚，估唔到现场食真系好大碗。初时仲担心食唔哂一碗。我叫咗一碗3𩠌小锅米线，拣咗鱼肉春卷、牛腩、墨鱼头，走咗辣，但汤底仍然好够味。佢啲米线几烟韧，另外有芽菜、韮菜等配菜，啲配菜同米线加埋一齐睇落去好大碗。3样𩠌嚟讲最好食系墨鱼头，几弹牙！每个𩠌既份量都好多，难怪同事话抵食！另一碗就2个𩠌既小锅米线，拣咗腩肉同猪大肠，中辣酸辣。见佢餐牌个腩肉比咗手指公！啲腩肉大大块，都唔错，肠大肠切成一条条，几入味。我哋仲叫咗2个小食，炸春卷同麻辣金钱肚，春卷系网状春卷，几好食，$25有5条个价钱都几ok。麻辣金钱肚辣得惹味，会一啖接住一啖咁食！