金華燒臘大王 (已結業)

中环嘅食肆永远系多到食不完...以往谂起系呢区食烧味，名店会谂起镛记，小店会去龙记....听各方友好讲话呢度都几OK，今日嚟开睇医生就过嚟帮衬...叫咗一碗五宝饭，收三十二蚊。再睇餐牌，发觉一碟只系俾多四蚊。不禁问问自己点解唔叫一碟呢?正在有D后悔之际，碗饭嘅SIZE就俾咗我一个完满嘅解释嘞 ---- 我睇碗嘢有成个大汤碗咁大，上面堆满切鸡、义烧、烧鸭、鸡肾、猪肚及猪脷，仲有半只咸蛋，实在多得惊人。好似食盘菜咁...各类烧味嘅味道只算普通，比起镛记及龙记当然犹有不及。不过值得一赞嘅系D饭煲得几靓，够软熟，不俗。抵食程度攞足一百分...