影片
更多
2017-10-10
580 浏览
此处系远足人仕又爱又恨之茶居，每次行山出一身大汗，女仕们满足于消脂xxx卡路里之际，行到呢度必定食到反超标。小弟有见及此，今日决定把心一横，同女人揸车过黎食餐劲，一于邪恶便邪恶到底。闲日无乜人，泊左个全日乱泊车位后(记得泊好少少并且同店员讲声，村屋地方大家明啦)，就坐左上楼上窗边位置，自己开左壶寿味(小弟酒楼碌大，惯左)，行番落去楼下就叫左几个点心加一碟饭虾饺，金钱肚，奶皇饱，鱼香茄子饭虾饺，皮薄够热，但虾肉唔靓，通常虾肉唔靓都会加D姜粒黎腌，掩饰D雪/死虾肉味，难得佢贯彻如一，姜都无落，真系写个服字。金钱肚，同小弟细个酒楼食果只橙色汁金钱肚味道一样(其实有无高人可指出呢只系咩汁)，味道唔错，够爽口，系只汁既颜色鲜色左少少。奶皇饱，蒸过龙，中间奶皇变左固体(亦可能系小弟近年食惯左流沙饱)，饱够松软，有机会再食可以试下趁佢一出炉就叫，应该就会有番DD流沙既感觉(应该得挂)。鱼香茄子饭，呢碟饭小弟系见到食客亚叔叫先跟住叫，因为系set ，$41有出面食两倍既份量，碟饭无鱼香味但特多茄子同猪肉碎，呢碟饭味道正常，但食份量食茄子都已经值回票价(set餐日日唔同，唔需要太刻意黎试呢样)。埋单$1
闲日无乜人，泊左个全日乱泊车位后(记得泊好少少并且同店员讲声，村屋地方大家明啦)，就坐左上楼上窗边位置，自己开左壶寿味(小弟酒楼碌大，惯左)，行番落去楼下就叫左几个点心加一碟饭
虾饺，金钱肚，奶皇饱，鱼香茄子饭
虾饺，皮薄够热，但虾肉唔靓，通常虾肉唔靓都会加D姜粒黎腌，掩饰D雪/死虾肉味，难得佢贯彻如一，姜都无落，真系写个服字。
金钱肚，同小弟细个酒楼食果只橙色汁金钱肚味道一样(其实有无高人可指出呢只系咩汁)，味道唔错，够爽口，系只汁既颜色鲜色左少少。
奶皇饱，蒸过龙，中间奶皇变左固体(亦可能系小弟近年食惯左流沙饱)，饱够松软，有机会再食可以试下趁佢一出炉就叫，应该就会有番DD流沙既感觉(应该得挂)。
鱼香茄子饭，呢碟饭小弟系见到食客亚叔叫先跟住叫，因为系set ，$41有出面食两倍既份量，碟饭无鱼香味但特多茄子同猪肉碎，呢碟饭味道正常，但食份量食茄子都已经值回票价(set餐日日唔同，唔需要太刻意黎试呢样)。
埋单$120有找，竹林深处人家黎讲算系抵食之选，净系运D食材上黎都已经系辛苦钱啦!
金钱肚
27 浏览
0 赞好
0 留言
奶皇饱
21 浏览
0 赞好
0 留言
地盘王鱼香茄子饭
57 浏览
0 赞好
0 留言
张贴
