味真

营业中

休息中

今日中午黎开又一城，见到呢间餐厅咁多好评，又韩国过江龙，韩国人主理咁，所以试试佢嘅烧肉同饭卷。饭卷先上，无芝麻油味，同连锁果啲韩国食店差不多。算啦，最期待都系个烧肉。烧肉跟配饭，蘸汁同小菜，OMG,真心唔掂lor...小菜系两小碟泡菜同菠菜。菠菜完全无调味，就系白煮菠菜，泡菜又系连锁餐厅普通食开嘅味（唔系韩国食到果啲）。蘸汁有3样：盐，甜甜地嘅豉油，同沙律酱...呢间系韩式烧肉，连包饭酱都无？我问咗侍应攞，结果佢俾咗韩式热辣酱我...个烧肉我哋两个人拣咗猪同埋牛+猪，牛无牛味，猪无猪味...真系屋企自己烧都好食过佢...总结，我唔知其他菜式或者晚餐系咪啲食评讲到咁好食，我就唔会再试啦。对我黎讲系喺香港食过最差嘅韩国餐厅，没有之一。最后的小确幸系佢唔驶加一啰。