榮發粉麵專家 (已搬遷) 新店位置

晏奏食左啲零食觉得有啲滞，夜晚食粉啦，专登黎呢间食，我以前细个住机利士大厦妈咪成日带我黎食（20年前），因为佢个装潢冇变过，我又黎试下，个心成日觉得旧野应该系好食啲嘅！🤔🤔楼面阿姐服务态度好好，左一句多谢晒，右一句睇热啊！好似阿妈咁好亲切😀👏🏻👩🏻我叫左个双拼牛腩云吞河＋腐乳通菜＋冻奶茶少甜碗粉$30，通菜$14，冻奶茶$14腐乳通菜：普通通菜味，我嫌佢洗得唔够干净，有啲黑色一粒粒，食左半碟放弃。云吞牛腩河：云吞可以接受，有三粒，食开果种味。牛腩完全唔得，又韧又冇咩味，好明显炆得唔够，直接放落个汤霎果种，唔知系咪太忙关系，因为我见都坐满。河粉唔得！又幼又冧，汤底又淡，真系食唔落，一pat咁索晒水。冻奶茶：收我＄14蚊一杯，成杯都系冰，好过份！叫左少甜，净系饮奶水味，完全冇茶味，见杯野个颜色咁浅已心知不妙，落奶太重手😄好差好差，唔知系咪多客忙所以整得求其左？总括黎讲红磡食粉，洽兴>沾仔记>潮兴，人地加饮品半价，你仲要样样系单点。