醉翁亭火鍋館 (已結業)

同朋友两个人庆祝，谂住比多少少钱可以食到啲高级边炉($328加一，埋单每人$361)。点知真系极度失望。个放题餐包左几样看似高级嘅“前菜”，包括冬菇鲍鱼（每人一粒，淡味好韧），鱼生拼盘（五件每人一块，但完全无味），仲有几款可以出去夹嘅前菜，鸡脚/青瓜/猪肚等等，但无一样嘢值得食，猪肚臭嘅，青瓜又系无味。另外仲有一碟牛肩肉（味ok）同一盘海鲜（除虾以外，其他无味）系用黎烚嘅。有六款汤底拣，我扡拣左重庆鸡煲底。好喇，到上鸡煲喇，又系系味道极淡，仲要无啦啦喺我地仲食紧鸡嘅时候帮我地加水，无错，系水，冲淡晒啲味。之后佢地不断“主动地”帮我地加水，形成所谓嘅汤底就打边炉喇。喂，我去连锁快餐店打边炉都有“真汤底”refill 丫，你收我三百几蚊倒啲清过蒸馏水嘅“汤”比我会否太过份？啲配料本身已无味完全唔新鲜，你加埋水落个煲到更加无味，全程食物啲味就系黎自豉油。唯一配得上呢个价钱嘅配料只有牛肩肉同海鲜拼盘入面嘅四只虾，其实唔系特别好味，只系对比起其他配料，呢两样嘢系“有味”。总括黎讲，三百几蚊食啲咁嘅嘢系完全不能接受。