影片
更多
2017-08-24
263 浏览
食呢间嘅时候未开始写食评。点解隔咗咁耐都仲要补返? 因为𠮶次用餐经验真系毕生难忘！当日系补祝屋企人生日，满心欢喜咁去食。虽然MENU选择少，但食物都好有特色，味道都唔错，直到佢嘅出现...猪颈肉笼仔饭见到个饭，心谂：点解啲肉咁嘅色嘅? (深啡得嚟唔系实色，就好似扣肉层脂肪咁透透地)唔通唔熟?但咁大间餐厅，而且开业多时，冇理由冇一条猪颈肉熟架㖞...因为每星期都出现嘅人龙，因为之前几道菜嘅味道，我选择信任餐厅。结果，咬唔开之余牙印都唔系几现, 唔热, 浓味梅菜汁掩过血水味, 但靠近仔细睇。嚿肉无疑系生嘅！
(呢句唔系非合理猜测, 我放过入口食用过眼睇!请openrice唔好ban我)店员知悉后命厨房重制，岂料猪颈肉依然系生嘅！当我哋召回店员，店员指旧𠮶份已经弃掉，呢份系完全重制。𠮶一刻我只系觉得好折坠，浪费咗成碟饭。我哋只系要求店员将新嘅呢份再蒸耐啲，甚至讲明韧啲都唔紧要，熟就得喇，猪肉唔可以生架！唔止系因为卫生安全问题同好浪费，更加系因为我哋等咗半粒钟，已经冇晒信心...最后嘅一份，虽熟但难以咬开，有几块都系未够熟，要吐出嚟...结果我哋用多咗9个字以上用餐，除咗口头道歉并无得到任何赔
当日系补祝屋企人生日，满心欢喜咁去食。
虽然MENU选择少，但食物都好有特色，味道都唔错，直到佢嘅出现...
猪颈肉笼仔饭
见到个饭，心谂：点解啲肉咁嘅色嘅? (深啡得嚟唔系实色，就好似扣肉层脂肪咁透透地)
唔通唔熟?
但咁大间餐厅，而且开业多时，冇理由冇一条猪颈肉熟架㖞...
因为每星期都出现嘅人龙，因为之前几道菜嘅味道，我选择信任餐厅。
结果，
咬唔开之余牙印都唔系几现, 唔热, 浓味梅菜汁掩过血水味, 但靠近仔细睇。嚿肉无疑系生嘅！ (呢句唔系非合理猜测, 我放过入口食用过眼睇!请openrice唔好ban我)
店员知悉后命厨房重制，岂料猪颈肉依然系生嘅！
当我哋召回店员，店员指旧𠮶份已经弃掉，呢份系完全重制。𠮶一刻我只系觉得好折坠，浪费咗成碟饭。我哋只系要求店员将新嘅呢份再蒸耐啲，甚至讲明韧啲都唔紧要，熟就得喇，猪肉唔可以生架！唔止系因为卫生安全问题同好浪费，更加系因为我哋等咗半粒钟，已经冇晒信心...
最后嘅一份，虽熟但难以咬开，有几块都系未够熟，要吐出嚟...
结果我哋用多咗9个字以上用餐，除咗口头道歉并无得到任何赔偿。我哋唔系贪咩嘢，而系我哋愿意坐喺度等，唔系拍枱走人，系因为尊重厨师，想比多次机会。结果你哋令我哋再次失望，仲花咗咁多时间喺度呆等。𠮶份餐打折，甚或免费，绝非无理。唔少更细更低档次嘅餐厅出错都会减费或者送份小食，用实力比返信心客人。
希望店方好好改善食品质素，最基本系食唔死人，然后对店员嘅培训都可以更好...
万个新客人，不及一个回头客...
张贴
