影片
更多
2008-05-29
12 浏览
今日同个同事去咗愉景新城既KFC食lunch, 虽然呢间分店既水准好唔稳定，但系一来谂唔到去边度开餐，二来都想试下新出既鸡扒饭，所以都冒险试下啦。可惜今日都系令人失望而回。我哋买咗两个餐包括一个鸡扒饭、两件家乡鸡、一份细薯格、一杯气水同一杯柚子蜜。今次未开餐先激愤，我哋明明话堂食，个收银机都入咗 “diet in”，但系个店员畀咗份外卖我。虽然话食物一样，但系外卖既柚子蜜比堂食既小一半，好彩我系个有修养既人，见个店员又笑晒口咁 say sorry，ok ! 今次我唔同你计！由于佢用咗外卖盒，所以我哋坐底打开个盒先见到啲食物系咩样。Oh no! 啲家乡鸡黑盟盟，好似翻炸过咁样，我个同事即时走去换 (亦由于佢太心急，我无时间拍底罪证)，但系换返唻既依然系黑黑哋，叫做好过之前𠮶两件咁啰！虽然食落件鸡都ok，但系我哋都唔敢食皮，实在系无理由咁黑既！咁我到底想讲咩呢？！我之前系呢间KFC，食过一件冻到好似做好咗之后，放咗两个钟咁样既家乡鸡；又有一次食过干到唔系炸过头，就系翻炸过既家乡鸡；今次就遇到件黑盟盟，好似用千年油唻炸既家乡鸡。虽然唔系话次次都系咁，但系三次里面会有一次系咁，你都唔想再帮衬啦
我哋买咗两个餐包括一个鸡扒饭、两件家乡鸡、一份细薯格、一杯气水同一杯柚子蜜。
今次未开餐先激愤，我哋明明话堂食，个收银机都入咗 “diet in”，但系个店员畀咗份外卖我。虽然话食物一样，但系外卖既柚子蜜比堂食既小一半，好彩我系个有修养既人，见个店员又笑晒口咁 say sorry，ok ! 今次我唔同你计！
由于佢用咗外卖盒，所以我哋坐底打开个盒先见到啲食物系咩样。Oh no! 啲家乡鸡黑盟盟，好似翻炸过咁样，我个同事即时走去换 (亦由于佢太心急，我无时间拍底罪证)，但系换返唻既依然系黑黑哋，叫做好过之前𠮶两件咁啰！虽然食落件鸡都ok，但系我哋都唔敢食皮，实在系无理由咁黑既！
咁我到底想讲咩呢？！我之前系呢间KFC，食过一件冻到好似做好咗之后，放咗两个钟咁样既家乡鸡；又有一次食过干到唔系炸过头，就系翻炸过既家乡鸡；今次就遇到件黑盟盟，好似用千年油唻炸既家乡鸡。虽然唔系话次次都系咁，但系三次里面会有一次系咁，你都唔想再帮衬啦！
其实，我同同事都明白，呢边系工厂区，假设大部份人既收入唔高，无几多个愿意花$30食一个唔饱肚既lunch，所以呢间分店平日人流唔多 (有时lunch time都坐唔满，要到假期先会多啲生意)，作为店主系要想办法节流。但系我哋都真金白银唻帮衬，你又做到咁差，真系好赶客。花多十元八块就可以系餐厅舒舒服服咁食一个套餐，我仲点解要食啲咁难食既野！？你再唔坚持食物既味道，真系会一个客仔都无架！
另一样野就系，我发觉KFC既政策，系将啲无咁靓或者细细件既鸡件卖畀外卖客，我试过几次系唔同既KFC分店买外卖都系收到”次货”，今次系又一例证。
P.S. ︰个新出既鸡扒饭如我所料，无惊喜，脆皮同鸡肉比例一比一，未食过就一试无妨。
张贴