紅跑車越南餐室 (已結業)

男友想食越南菜，我一向在荃湾区嘅心水都系"小巴黎"，佢系openrice睇到呢间的食评都ok, 所以为了"食好d"，话同我去试下。七点去到见到唔多人都觉得有d唔对路，我地被安排坐卡位，但个位都好迫下。个menu的相ok, 我地点了大虾西柚沙律、蓝贝、香茅鸡翼、招牌清汤越南蒙、三色冰。全都出事！大虾西柚沙律都算正常，但只有两只虾，虾新鲜，不算大只，西柚两三粒，其他都是生椰菜丝、红萝卜丝，收五十几蚊，唔系好抵。蓝贝系menu个样同上枱的分别好大，佢用水白洽完，用少少葱、蒜炒，好唔得，蓝贝肉超细粒，缩到好似五毫子咁大，无味，只系白水洽的味，蓝贝离壳好唔新鲜，我食到有一只臭咗，立即吐出来，好核突，即刻退返比佢地。个女待应知道，问都无问即刻退返入去，好似都唔系咁surprise。香茅鸡翼好普通，好似茶餐厅的水准，无香茅味！沙嗲王同小巴黎都好食好多，又唔会咁贵。招牌什么清汤越南粉，d牛腩都几好味，但d粉太熟太稔，一pat pat，唔多好，六十几蚊唔值啰。最后三色冰，最差系d冰，因为佢地用碎冰，但唔知点解d碎冰系结成一块，成o旧放系我杯三色冰上面，好怪。最后埋单，就算无计个蓝贝都要一百七十几蚊，以咁