影片
更多
2012-08-13
7 浏览
我同朋友一年前因为每个礼拜都会去铜锣湾，就成日去天后店帮衬。当时去天后店，每位员工都非常有礼貌，对每一种产品都好清楚，会讲晒所有食品系点样制成，食落会有咩感觉，感觉非常有heart，令我地想一去再去。当时既弥月屋唔系得包装，得d野好食，而系令人有想再回头光顾既冲动。但开左个间尖沙咀店，同我一路有去开天后店既朋友都觉得服务质素同天后店真系差天共地。但琴日我同朋友去尖沙咀分店，真系非常失望！我朋友前一个星期带过其他朋友去，d朋友因为贵公司职员恶劣既态度，话以后唔会再帮衬，我朋友以为系当日咁o岩得咁桥，但今日既服务态度依旧恶劣，令人无左想再光顾既冲动。首先，我地去到想坐榻榻米，有一张台我地唔知唔坐得，短头发员工立刻带呼喝语气话："呢张台唔坐得㖞！” 似乎我地似员工多过佢。第二，我地想叫野食，问长发无戴眼镜员工，佢貌似唔想过黎，懒懒闲咁，一走埋黎就话："食咩呀？" 然后我地问佢边样食品系d咩，只有一句非常简短既答覆，极无heart，似乎连生意都完全唔想做，就连佢插张单个动作都格外无礼。得戴眼镜长头发个女仔服务态度叫好少少。我地叫左一个花见丸子(系天后店次次食都会叫烧丸子，真系好好食)，但今次食
但琴日我同朋友去尖沙咀分店，真系非常失望！我朋友前一个星期带过其他朋友去，d朋友因为贵公司职员恶劣既态度，话以后唔会再帮衬，我朋友以为系当日咁o岩得咁桥，但今日既服务态度依旧恶劣，令人无左想再光顾既冲动。
首先，我地去到想坐榻榻米，有一张台我地唔知唔坐得，短头发员工立刻带呼喝语气话："呢张台唔坐得㖞！” 似乎我地似员工多过佢。
第二，我地想叫野食，问长发无戴眼镜员工，佢貌似唔想过黎，懒懒闲咁，一走埋黎就话："食咩呀？" 然后我地问佢边样食品系d咩，只有一句非常简短既答覆，极无heart，似乎连生意都完全唔想做，就连佢插张单个动作都格外无礼。
得戴眼镜长头发个女仔服务态度叫好少少。
我地叫左一个花见丸子(系天后店次次食都会叫烧丸子，真系好好食)，但今次食，三串系黏到实晒，其中一粒拉返开都无左半粒，黏左去第二粒度，以前食从来都无试过咁样，芝麻都奇少，以前系天后系点唔晒，依家既份量系以前既一半，完全唔够点。
题外话/补充资料：
除左员工质素之外，有好多野已经变质，例如昔日个menu系非常有日本风既纸质，我同朋友以前系天后店拎个张都仲有keep起，依家已经无左，仲要后面系劲无heart既design。我明你地公司想方便人睇，知d食物系咩样，但都未免太马虎。
当然啦，佢地点做生意系佢地既事，只系我同我朋友一直捧场，唔想见到一间咁好既店因为服务质素而令人唔再想去，如果服务质素系一样，咁我不如去茶餐厅饮杯茶食个包啦，隔离兰芳园咁多人你地个边咁少人，可能服务质素都系一个成因，请好好训练下d员工啦。(笑容唔系应该包埋系份粮入面既咩？)
(以上食记乃用户个人意见 , 并不代表OpenRice之观点。)
张贴