小甜谷 (已結業)

同朋友响铜锣湾食完饭，慢慢制左黎大坑食甜品。朋友话呢间小甜谷都几出名但一直都无食过，于是我同朋友就胆粗粗入去试。抱住甜品差极都有个谱既心态，点左呢间铺算几出名既招牌甜品-红豆牛乳炖蛋白$40 红豆炖蛋白用外型可爱既玻璃樽装住，上面既红豆大大粒，食落都算香甜，于是我就充满期望咁食下面既奶冻。第一啖：因为沾上左少少红豆蓉，所以带点点红豆既甜味，但完全感觉唔到奶味第二啖：我认真地食左一啖只有白色既蛋白，即刻呆左！点解会无味既？系完全无奶味，连甜味都唔多觉。而质感有d胶胶地，完全无绵密既口感。再食多几啖：我再认真地试多几啖，确定下自己既味蕾系咪出左问题，最后既结论系我对呢间野好失望，$40食左几啖呢个不知所谓既蛋白就放弃左。