魂燒 (已易手) 新餐厅

之前经过呢度，见住店员烧烤，觉得好似几正咁，今晚心血来潮就谂住黎试下喇，点知就失望而回。一黎到就已经知道个烧烤炉坏左，整紧，冇得叫烧野住。于是谂住叫个大阪烧食住先，点知最后等到个烧烤炉整好，差唔多食完啲烧野先话个大阪烧漏左单！叫左烧扇贝、茄子、一口和牛粒、烧菠萝、五花腩、半条鳗鱼同埋一碗蟹膏拉面，但系都麻麻地。个菠萝系冇味既，其他野都好普通。谂住碗蟹膏拉面算系推介，但系$138呢个价钱黎讲，碗拉面真系好不外如是。我地坐吧台，好似冇冷气咁，食得都几辛苦。