九份茶舍 (已結業)

(开头见到个名觉得好熟面口，老实讲如果醒起系葵涌广场𠮶间真系未必会试......)其实呢间啲芋圆系偏贵嘅，所以对佢嘅质素未到应该都会有番咁上下要求或者期待。先讲份量，都算十足，个外卖碗都装满哂嘅，其他配料都算唔错，例如红豆同咖啡味嘅啫喱。之不过，呢碗嘅主角系芋圆。四个口味(番薯、芋头、紫薯、抹茶)自重，只有抹茶系食得出味道。其他三款基本上都系得粉团味都，恰埋眼食嘅话系唔会知边粒打边粒。呢个问题同佢地葵涌广场𠮶间系一模一样。(所以话如果一早醒起系分点就唔会试...) 再加上呢间嘅芋圆系切得好大粒 (好似话系特色)，但又煮得唔够腍/烟韧，所以食起来有啲啲辛苦。至于汤水个味道都唔错嘅，但当个主角失哂色，其他配角做得几好都冇用啦。假如系石门又好想食芋圆嘅话，其实系有另一间嘅，我会推介大家去𠮶边。