好好便當 (已結業)

因为疫情关系，好耐都冇得去旅行啦😫小叉好挂住台湾夜市嘅美食，于是乎今次就嚟咗好有旧式台湾夜市街头feel嘅台式餐厅。因为系放lunch时段，等位同等外卖嘅人龙都唔少。大概等咗15至20分钟左右先入到去堂食。🍴塔香盐酥鸡香菇卤肉便当（ $62 ）便当非常之大份，配菜有椰菜、芋丝、豆腐卜、萝卜同卤蛋。每样配菜都卤得非常之入味，豆腐卜仲炸得趣扑扑。但食到后期就觉得有少少咸。卤肉系用肉碎制成而唔系肥猪肉切粒，有少少失色。但味道都可以。主角当然系盐酥鸡啦！鸡块炸得够趣又够味道，可以解到台式夜市瘾😝🍴蒜脆杏鲍菇（$28）比较少香港餐厅有得食炸杏鲍菇，因为即叫即炸所以要等一阵。但新鲜炸起果然唔同，加上有埋调味粉，台湾夜市嘅感觉出晒黎。另外跟餐仲会送一罐道地饮品，但味道非常之甜😅所以怕太甜嘅朋友可以skip啦。