金記冰室 (已結業)

今日试咗金记冰室既下午茶餐，其实佢格里有间餐厅都系茶记，不过见到呢间好老字号既感觉就入咗去食个下午茶餐，但感觉一般。其实佢啲野系几好食既，不过30几蚊个茶餐我觉得应该有炸鸡脾热奶茶，不过佢有炸鸡翼，都几好味，不过鸡翼真系细得有啲过份，如果个两只鸡翼系鸡中翼会合理啲。同一个餐既另一款鸡扒，价钱一样对比强烈，因为块鸡扒呎吋好正常，30几蚊好合理，请看图。奶茶唔系冰室应有既奶茶，唔够滑，认真观塘工业区好多茶记既奶茶好过呢间，但唔算好差，不过以冰室嚟讲差啲。服务方面都无咩大问题，但员工记性一般，落两个餐，我本身叫瑞士鸡翼热奶茶佢嚟咗炸鸡翼不过我都想食所以无出声，热奶茶佢当咗热柠茶，不过出单后可能佢自己记得就问咗声就讲番系热奶茶，鸡扒佢又问多次系咪鸡扒，感觉怪怪地。总括嚟讲，野几好食可以再嚟不过呢个价钱下次我会去格里食炸鸡脾。